KISKI TALAASH HAI HAMEIN

KISKI TALAASH HAI HAMEIN
KISKE ASAR MEIN HAIN
JAB SE CHALE HAIN GHAR SE
MUSALSAL SAFAR MEIN HAIN

***

Mohabbat dil ki dhadkan hai is ko dil mein sama lena,
Tumhi par jaan de denge hum, Ek din aazma lena.

***

Tera to nam hua “sagar”,
Meri mohabbat aaj to badnam ho gayi.
Itni to bewafa na thi mein,
Jitni aaj mein badnam ho hi gayi.

***

Kal kaha thi unke aankhon mein seel sankoch is kadar,
Aaj kyun karne lage hum se mohabbat is kadar.

Jante ho ya na ho, pehchan karna mushkil hai,
Milti julti hai har ek qatil ki soorat is kadar.

Har kisi footpath par shanti se mar sakte hai hum,
Kam se kam hasil to hai hum ko ijazat is kadar.

Ek muskan, ek nazar aur ek farz, kuch kam to nahi,
Kaun deta hai kisi ke dil ki keemat is kadar.

Aaj to kuch aur bhi berang hai upvan ki mitti,
Khoon e dil ! Kal tak na thi teri jarurat is kadar.

***

Mohabbat ko na bandho shart mein tum,
Mohabbat shart hai khud zindagi ki.

Kiya hai purnima ki chandani ne,
Jaladhi ke jwaar ka swagat hriday se.
Hawa ke saath ghul mil gayi hai ab,
Nikal kar khushboo apne ghoslo se.

Mohabbat ke bina jag mein andhera hai,
Mohabbat to nadi hai roshni ki!

Nadi bhi tod kar dono kinare,
Kabhi bhukhand ka mukh chumti hai.

Batao surya ke charo taraf kyo,
Dhara yeh yugo se ghumti hai.
Agar rola gaya, kya ruk gayi woh,
Dhara ki baat kabhi mani kisi ki.

Mohabbat bhi nadi aur dhara ke barabar hai,
Jo kabhi na ruki hai, aur na kabhi rukegi.

Mohabbat ko na bandho shart mein tum,
Mohabbat shart hai khud zindagi ki.

***

Mein tujhse mili, apne pyar se mili
Jo mujh mein tha khoya, Usi yaar se mili

Khili rosni khwab ki aur kahin,
Mein yaadon ki ek akash ganga se mil gayi,

Chamakti hui ret par raat bhar
Kisi kadam ke nishan mile,

Usi ek samundar ko hogi khabar
Mein doobi kahan par, kahan se mili,

Kahani meri yun to thi akeli,
Magar phir teri dastan se mil gayi.

***

Kisi se dil lagaya karo, to use todna nahi chahiye.
Yaha par ek tawaif ki Love ki shayari yahan maujud hai.

Itna darte ho tum ruswai se,
Kyun daag daman pe sajaya tha.
Kyo kadam rakhe the hamari mehfil mein,
Kyun is tawaif se dil lagaya tha.

***

Add a Comment

Your email address will not be published. Required fields are marked *